قلت اجرب اتكلم
بدل ما الواحد مع نفسه بيتألم
يمكن بكلمتين اعرف اعبر عن اللي جوايا
و يمكن حد يسندني و يقف معايا
اصل بعيد عنكم الواحد قرب يطق من اللي بشوفه
و محدش من البهاوات حاسس ولا عارف ايه اللي بنشوفه
البيه الكبير قاعد في تكييف و متسلطن
و يقول كلام يخلي الواحد يتشيطن
يتصلو بينا ال ايه عاوزنكم تعمل وشغل مش عارف ايه لينا
ياعم احنا متنيلين هنا و طالع عين اهالينا
سيبونا بقى نركز في الرقف اللي احنا شايفينه
ما انتم كنتو زينا و كل واحد شاف ده بعينه
لكن قاعدة التكييف و الكرسي خلت كل واحد نسي كان ايه اللي كان بيحصل له
ماحد ياجدعان يكلم الكبير و همومنا يوصل له
لا فيه ترقية ولا فيه اي زيادة في الراتب ولا حتى كلمة شكر او حتى عرفان
عرفتو ليه يا اخوانا انا طهقان و تعبان
و اللي يجي يقولي ياعم انت اهو شغل احسن من مفيش و بطل افلام
ارد اقوله اللي ايده في المية مش زي اللي ايده في النار و اللي بيتمرمط مش زي اللي قاعد بيبيع كلام
نفسي اطلع على اي حد من اللي فوق دول و اقوله في وشه حسبي الله و نعم الوكيل فيك
بس ابقى قابلني لو عرفت تقابله..حدد ميعاد الاول عشان يرد عليك
اعيد ايه و ازيد في ايه ولا ايه
الكلام خلص و هيفضل البيه هو البيه
احد الامثلة اكلم البيه اللي في التكييف و اقوله انا تعبان بلاش تبهدلني و توديني شغل بعيد
يقولي معلش اصل الدنيا مش عارف فيها ايه و انت مفيش زيك يشيل ده انت راجل حديد
اقوله يا عم الحديد ساح خلاص و الصحة بقت يادوب على الاد و اديك شايف الادوية اللي باخدها
يقولي ياعم انا تحت امرك و لو تعبت اجيبلك عربية في لحظتها
لحظتها ازاي وبيني و بينك يا عم 9 ساعات
ولا احنا بقينا في زمن اتغيرت فيه السرعات هيخليني اوصل ال 9 ساعات دول في لحظات
و اقوله يا عم انت موديني مكان اشتغل فيه اسبوع و انزل
هو احنا فينا صحة كل يوم كده نتبهدل
هقولها تاني و تالت و كمان للمرة المليون
حسبي الله و نعم الوكيل فيك ياللي مبهدلني و مخليني مرمطون
بدل ما الواحد مع نفسه بيتألم
يمكن بكلمتين اعرف اعبر عن اللي جوايا
و يمكن حد يسندني و يقف معايا
اصل بعيد عنكم الواحد قرب يطق من اللي بشوفه
و محدش من البهاوات حاسس ولا عارف ايه اللي بنشوفه
البيه الكبير قاعد في تكييف و متسلطن
و يقول كلام يخلي الواحد يتشيطن
يتصلو بينا ال ايه عاوزنكم تعمل وشغل مش عارف ايه لينا
ياعم احنا متنيلين هنا و طالع عين اهالينا
سيبونا بقى نركز في الرقف اللي احنا شايفينه
ما انتم كنتو زينا و كل واحد شاف ده بعينه
لكن قاعدة التكييف و الكرسي خلت كل واحد نسي كان ايه اللي كان بيحصل له
ماحد ياجدعان يكلم الكبير و همومنا يوصل له
لا فيه ترقية ولا فيه اي زيادة في الراتب ولا حتى كلمة شكر او حتى عرفان
عرفتو ليه يا اخوانا انا طهقان و تعبان
و اللي يجي يقولي ياعم انت اهو شغل احسن من مفيش و بطل افلام
ارد اقوله اللي ايده في المية مش زي اللي ايده في النار و اللي بيتمرمط مش زي اللي قاعد بيبيع كلام
نفسي اطلع على اي حد من اللي فوق دول و اقوله في وشه حسبي الله و نعم الوكيل فيك
بس ابقى قابلني لو عرفت تقابله..حدد ميعاد الاول عشان يرد عليك
اعيد ايه و ازيد في ايه ولا ايه
الكلام خلص و هيفضل البيه هو البيه
احد الامثلة اكلم البيه اللي في التكييف و اقوله انا تعبان بلاش تبهدلني و توديني شغل بعيد
يقولي معلش اصل الدنيا مش عارف فيها ايه و انت مفيش زيك يشيل ده انت راجل حديد
اقوله يا عم الحديد ساح خلاص و الصحة بقت يادوب على الاد و اديك شايف الادوية اللي باخدها
يقولي ياعم انا تحت امرك و لو تعبت اجيبلك عربية في لحظتها
لحظتها ازاي وبيني و بينك يا عم 9 ساعات
ولا احنا بقينا في زمن اتغيرت فيه السرعات هيخليني اوصل ال 9 ساعات دول في لحظات
و اقوله يا عم انت موديني مكان اشتغل فيه اسبوع و انزل
هو احنا فينا صحة كل يوم كده نتبهدل
هقولها تاني و تالت و كمان للمرة المليون
حسبي الله و نعم الوكيل فيك ياللي مبهدلني و مخليني مرمطون
ليست هناك تعليقات:
إرسال تعليق