ودلوقتي هنكمل حكاية الراوي الظريف
المرة دي هحيلكم حكايه الرغيف
اللي دوخ يا عيني المواطن المصري الضعيف
موت ناس واللي ممتش رباله العصبي والخفيف
يقوم يفز من نومو يقول....يا لطيف يا لطيف راح فين الرغيف
لا وكمان بياكلو بترابو ومساميرو وسوسو وده المخيف
والامر يطلع نظيف يقول محصلش ده مرطرط وزي الفل ونضيف
الظاهر ان صاحبنا مشافوش قبل كده او انو بعيد عنكم كفيف
والحكايه كلها لعبة ذل وتجويع واللي لاعبها حريف
خبرة 30 سنة سرقة ونهب وقتل وتزييف
و لازم عشان تعيش في البلد دي تنسى انك مواطن شريف
لازم تسرق و تنهب و تبيع ضميرك العفيف
دي السرقة بقت امر قيادي من فوق زي ما تكون تكليف
اما الامانةو الضمير دلوقتي بقو تخريف
نخرج بقى من وصف الرغيف و ندخل على الحرب في الافران
اللي يتشتم و اللي ينضرب و اللي يتغز مطوة عشان جعان
الا هو مش المصري ده برده انسان؟
عايش في بيت صفيح وبدل ما ياكل اكله الحرمان
نفسه ياكل لقمة حاف بس تكون نضيفة ولا ده بردو جنان
عايش عيشه قهر من غير حقوق من غير كيان
عايش فيكي يا مصر متلطم ومتغرب وطفشان
ولا عشان اعرف اكل لقمة نضيفة لازم اكون ابن فلان او علان
انا خلاص قرفت والله و بقيت من الحالة دي طهقان
بنادي على بلدي من بعيد و اقول ليها يا بلدي انا ابنك
اللي ياما شرب من نيلك و اكل من ارضك
حني عليا شوية و خديني في حضنك
شيلي قسوة الزمن من عليا و طبطبي عليا بكفك
ده انا بشقى و بتعب و بجري عشان افضل في كنفك
و الله بحبك و بحب ترابك و اضحي بنفسي فدا اسمك
انا هفضل انادي عليكي لحد امتى و انتي ناسياني و ناسية شعبك
يارب ترجعي بلدي اللي عاش جدودي يحلفو بيها و يارب يرجع كرمك
المرة دي هحيلكم حكايه الرغيف
اللي دوخ يا عيني المواطن المصري الضعيف
موت ناس واللي ممتش رباله العصبي والخفيف
يقوم يفز من نومو يقول....يا لطيف يا لطيف راح فين الرغيف
لا وكمان بياكلو بترابو ومساميرو وسوسو وده المخيف
والامر يطلع نظيف يقول محصلش ده مرطرط وزي الفل ونضيف
الظاهر ان صاحبنا مشافوش قبل كده او انو بعيد عنكم كفيف
والحكايه كلها لعبة ذل وتجويع واللي لاعبها حريف
خبرة 30 سنة سرقة ونهب وقتل وتزييف
و لازم عشان تعيش في البلد دي تنسى انك مواطن شريف
لازم تسرق و تنهب و تبيع ضميرك العفيف
دي السرقة بقت امر قيادي من فوق زي ما تكون تكليف
اما الامانةو الضمير دلوقتي بقو تخريف
نخرج بقى من وصف الرغيف و ندخل على الحرب في الافران
اللي يتشتم و اللي ينضرب و اللي يتغز مطوة عشان جعان
الا هو مش المصري ده برده انسان؟
عايش في بيت صفيح وبدل ما ياكل اكله الحرمان
نفسه ياكل لقمة حاف بس تكون نضيفة ولا ده بردو جنان
عايش عيشه قهر من غير حقوق من غير كيان
عايش فيكي يا مصر متلطم ومتغرب وطفشان
ولا عشان اعرف اكل لقمة نضيفة لازم اكون ابن فلان او علان
انا خلاص قرفت والله و بقيت من الحالة دي طهقان
بنادي على بلدي من بعيد و اقول ليها يا بلدي انا ابنك
اللي ياما شرب من نيلك و اكل من ارضك
حني عليا شوية و خديني في حضنك
شيلي قسوة الزمن من عليا و طبطبي عليا بكفك
ده انا بشقى و بتعب و بجري عشان افضل في كنفك
و الله بحبك و بحب ترابك و اضحي بنفسي فدا اسمك
انا هفضل انادي عليكي لحد امتى و انتي ناسياني و ناسية شعبك
يارب ترجعي بلدي اللي عاش جدودي يحلفو بيها و يارب يرجع كرمك
أزال المؤلف هذا التعليق.
ردحذفدي اكتر حاجة قرتهالك وحستها قريبة منك، بجد من أحلى ما كتبت :-)
ردحذف