قلت اجرب اقعد معاها في ساعة صفا
نتكلم مع بعضنا و احس معاها بالدفا
احساس فارقني من زمان و بقالي كتير ماجربتوش
اصلي بعيد عنكم كنت بتجنبها كتير عشان ما احسوش
اصلك لما تحس بالدفا و لو مرة
هتلاقي الدموع بتقوم من عينيك فرة
و الواحد مش طالبه معاه اصلا دموع
بتحسسني بأني ركنت في الممنوع
ببقى خايف حد يشوفها او حتى يحس بيها في عنيا
احساس صعب قوي يخليك ممكن تشوف الضعف فيا
نسيبنا من الدوع و جو الكابة الخنيق
اصلها مش طالبة وجع قلب ولا راس ولا احساس بالضيق
المهم قعدنا سوا و قلنا نتكلم
يا ستي مالك سرحانة و مش معايا
قالت لي اصل المسلسل ده جميل و بيجري الدموع جوايا
قلت لها الله يخرب بيت المسلسلات التركي اللي جننتنا
ياترى سعادتك هتعيطي على نور ولا مهند ولا مين في ليلتنا
قالت اصل البطل مات قبل ما يعترف ليها بحبه
قلت ليها راجل اهبل اللي يمشي في الحب و دربه
قالت ليا انا مش باخد منك غير التريأة و النأورة
قلت ليها بزمتك فقي حاجة في بلدنا غير التركي اللي جابنا ورا
قلت ليها بلاش عاوز اتكلم معاكي في موضوع حيوي شوية
قالت لي بلاش دلوقتي اصل البطلة بنار الحب مكوية
قلت ليها يا ستي ابوس ايدك البلد عمالة تولع
و مش عارفين مين في البلد دي جه عليه الدور على قفانا و يلسع
قالت لي انا بكامك عن الحب و انت جاي تكلمني في السياسة
ماتسيبها لاهلها و لكبارتها و للناس الساسة
قلت ليها يا ستي دي مش سياسة فرد بعينه
دي سياسة بلد طالع عينه
بلد الاكل فيه زاد أكتر من 25 في المية
و كل حاجة اتسممت في البلد و قريب مش هنلاقي المية
صرخت و قالت يالهوي هيقطعو عننا المية دي تبقى كارثة و حوسة
لما الحق اشغل الماتور و نملا الخزان و اقور الكوسة
قلت ليها هي وصلت بينا للكوسة يا موكوسة
قالت لي اومال اعمل لك ايه اوعي تكون مش بتحب الكوسة
قلت ليها و مين في بلدنا ما دقش طعمها في شغلانة ولا في مصلحة
دي الكوسة بقت غذاء اساسي للشعب أكتر من الفول اللي كان مخلي الناس دايما متنحة
بصي يا ستي انا هفهمك الموضوع من اوله
قالتي اشجيني خلي المية تقطع و لا اقولك و ادي التليفزيون هقفله
قلت ليها شايفة بيحصل للمصرين ايه في كل البلاد
ده معدش لينا كرامة يا شيخة دي بقت استعباد
واحد مصري يا ستي مسافر يشوف لقمة عيش مات
قالتلي هو كان مسافر يشتغل ايه و مات قلت ليها مندوب مبيعات
و اتنين كمان في الكويت اتسحلو و انضربو بالساطور
عشان ركنة عربية ماتو اومال يتعمل ايه فيهم لو كانو في كباريه ولا ماخور
و خارجية دولتنا المكرمة المعظمة
ادتهم تذاكر مجانية لنقل الجثث للعاصمة
قالت ليا يا اخويا يحمدو ربنا انهم لقو الجثث اصلا سليمة مش متقطعة مش متمثل بيها
قلت ماهي ناقصة كمان نتقطع في بلدنا و في الغربة و ياستي حصل التمثيل في لبنان هو انتي ماسمعتيش بيها
قالت لي اول مرة اسمع الكلام ده منك اصلي مش بحب اشوف الاخبار
قلت لها ما اللي انتي فالحة في التركي و مهند و نور بقو محل كل اهتمام و اعتبار
قالت سيبك من نور و مهند و كمل ايه اللي حصل تاني
قلت ليها استني اشرب مية ابلع الكلمتين و اجيلك في ثواني
شوفتي يا ستي الاعتصام اللي الناس فيه عند مجلس الشورى و الشعب
الناس وصل بيها الحال تقلع هدومها في الشارع لا خايفين من حر و لا من ضرب و رعب
الناس بيغما عليها قدام السادة الاعضاء اللي هم منتخبينهم
ولا حد بيسأل فيهم ولا هم معبرينهم ولا شايفينهم
فالحين بس البشاوات دول ييجو وقت الانتخابات
يدورا على اهل الدايرة و يشحتو الاصوات
و يدو وعود في الهوا و يعزفو على الام الناس
ماهي الناس معدتش عارفة الحق فين و كل واحد في همه محتاس
فهمتي حاجة من اللي بقوله ياستي ولا ايه الكلام
قالت لي ايوة يا خويا فاهمة ده كلامك يتعمل منه مسلسلات و افلام
قلت ليها خنقتيني هو مش وراكي غير التليفزيون و المسلسلات حتى وقت الجد
حتى لما اجي اكلمك في حال البلد تقولي كلام يخنق الواحد و يخليه يتهد
قومي شوفي رايحة فين جبتيلي الضغط قومي قوري الكوسة ولا روحي نامي بدل ما اطلع جناني
قالت لا يا اخويا انا مش هنام دلوقتي اصل فيه مسلسل مكسيكي و وراه واحد هندي و بعده واحد ياباني
قلت حسبي الله و نعم الوكيل فيكي اقوم احسن اكمل قراية ولا اشوف حاجة تنفعني
قالت يا حبيبي ياللي سايبلي التليفزيون براحتي و مهنيني و مدلعني
نتكلم مع بعضنا و احس معاها بالدفا
احساس فارقني من زمان و بقالي كتير ماجربتوش
اصلي بعيد عنكم كنت بتجنبها كتير عشان ما احسوش
اصلك لما تحس بالدفا و لو مرة
هتلاقي الدموع بتقوم من عينيك فرة
و الواحد مش طالبه معاه اصلا دموع
بتحسسني بأني ركنت في الممنوع
ببقى خايف حد يشوفها او حتى يحس بيها في عنيا
احساس صعب قوي يخليك ممكن تشوف الضعف فيا
نسيبنا من الدوع و جو الكابة الخنيق
اصلها مش طالبة وجع قلب ولا راس ولا احساس بالضيق
المهم قعدنا سوا و قلنا نتكلم
يا ستي مالك سرحانة و مش معايا
قالت لي اصل المسلسل ده جميل و بيجري الدموع جوايا
قلت لها الله يخرب بيت المسلسلات التركي اللي جننتنا
ياترى سعادتك هتعيطي على نور ولا مهند ولا مين في ليلتنا
قالت اصل البطل مات قبل ما يعترف ليها بحبه
قلت ليها راجل اهبل اللي يمشي في الحب و دربه
قالت ليا انا مش باخد منك غير التريأة و النأورة
قلت ليها بزمتك فقي حاجة في بلدنا غير التركي اللي جابنا ورا
قلت ليها بلاش عاوز اتكلم معاكي في موضوع حيوي شوية
قالت لي بلاش دلوقتي اصل البطلة بنار الحب مكوية
قلت ليها يا ستي ابوس ايدك البلد عمالة تولع
و مش عارفين مين في البلد دي جه عليه الدور على قفانا و يلسع
قالت لي انا بكامك عن الحب و انت جاي تكلمني في السياسة
ماتسيبها لاهلها و لكبارتها و للناس الساسة
قلت ليها يا ستي دي مش سياسة فرد بعينه
دي سياسة بلد طالع عينه
بلد الاكل فيه زاد أكتر من 25 في المية
و كل حاجة اتسممت في البلد و قريب مش هنلاقي المية
صرخت و قالت يالهوي هيقطعو عننا المية دي تبقى كارثة و حوسة
لما الحق اشغل الماتور و نملا الخزان و اقور الكوسة
قلت ليها هي وصلت بينا للكوسة يا موكوسة
قالت لي اومال اعمل لك ايه اوعي تكون مش بتحب الكوسة
قلت ليها و مين في بلدنا ما دقش طعمها في شغلانة ولا في مصلحة
دي الكوسة بقت غذاء اساسي للشعب أكتر من الفول اللي كان مخلي الناس دايما متنحة
بصي يا ستي انا هفهمك الموضوع من اوله
قالتي اشجيني خلي المية تقطع و لا اقولك و ادي التليفزيون هقفله
قلت ليها شايفة بيحصل للمصرين ايه في كل البلاد
ده معدش لينا كرامة يا شيخة دي بقت استعباد
واحد مصري يا ستي مسافر يشوف لقمة عيش مات
قالتلي هو كان مسافر يشتغل ايه و مات قلت ليها مندوب مبيعات
و اتنين كمان في الكويت اتسحلو و انضربو بالساطور
عشان ركنة عربية ماتو اومال يتعمل ايه فيهم لو كانو في كباريه ولا ماخور
و خارجية دولتنا المكرمة المعظمة
ادتهم تذاكر مجانية لنقل الجثث للعاصمة
قالت ليا يا اخويا يحمدو ربنا انهم لقو الجثث اصلا سليمة مش متقطعة مش متمثل بيها
قلت ماهي ناقصة كمان نتقطع في بلدنا و في الغربة و ياستي حصل التمثيل في لبنان هو انتي ماسمعتيش بيها
قالت لي اول مرة اسمع الكلام ده منك اصلي مش بحب اشوف الاخبار
قلت لها ما اللي انتي فالحة في التركي و مهند و نور بقو محل كل اهتمام و اعتبار
قالت سيبك من نور و مهند و كمل ايه اللي حصل تاني
قلت ليها استني اشرب مية ابلع الكلمتين و اجيلك في ثواني
شوفتي يا ستي الاعتصام اللي الناس فيه عند مجلس الشورى و الشعب
الناس وصل بيها الحال تقلع هدومها في الشارع لا خايفين من حر و لا من ضرب و رعب
الناس بيغما عليها قدام السادة الاعضاء اللي هم منتخبينهم
ولا حد بيسأل فيهم ولا هم معبرينهم ولا شايفينهم
فالحين بس البشاوات دول ييجو وقت الانتخابات
يدورا على اهل الدايرة و يشحتو الاصوات
و يدو وعود في الهوا و يعزفو على الام الناس
ماهي الناس معدتش عارفة الحق فين و كل واحد في همه محتاس
فهمتي حاجة من اللي بقوله ياستي ولا ايه الكلام
قالت لي ايوة يا خويا فاهمة ده كلامك يتعمل منه مسلسلات و افلام
قلت ليها خنقتيني هو مش وراكي غير التليفزيون و المسلسلات حتى وقت الجد
حتى لما اجي اكلمك في حال البلد تقولي كلام يخنق الواحد و يخليه يتهد
قومي شوفي رايحة فين جبتيلي الضغط قومي قوري الكوسة ولا روحي نامي بدل ما اطلع جناني
قالت لا يا اخويا انا مش هنام دلوقتي اصل فيه مسلسل مكسيكي و وراه واحد هندي و بعده واحد ياباني
قلت حسبي الله و نعم الوكيل فيكي اقوم احسن اكمل قراية ولا اشوف حاجة تنفعني
قالت يا حبيبي ياللي سايبلي التليفزيون براحتي و مهنيني و مدلعني
ليست هناك تعليقات:
إرسال تعليق