قلت اطلع في الهوا اشمي رجلي شوية
بصيت على السما لقيتها رايقة و صافية
بصيت على النجوم لقيتها مش موجودة
هو الواحد اتعما و لا بقت نظرته محدودة
زمان قالو ان النجوم دي بعيدة بس بتقدر تشوف فيها احلامك
قلت يا واد باين كده معتش عندك احلام و لا انت عايش في اوهامك
يا اما بقى و الله اعلم معدش عندي احلام
و شكلي كده هبطل اكتب و بطل اقول اي كلام
بس ازاي يا جدعان ده انا بحلم و الله بحاجات كتير
احلامي في منها لبلدي و لاصحابي وحبايبي و ليا كمان عشان اقول بضمير
احلامي على قدي يادوب عيشة ترضي رب العالمين
الاقي لقمة تقضيني و انام في بيتي زي باقي الملايين
مفيش مانع من شوية احلام بامتلاك بعض الحاجات
و ده مش عيب ولا فيه ممنوع ولا سرقات
احكي احسن عن حلمي لبلدي اللي هي مبقتش ليا و اللي فيها مش ليها
البلد بتنضرب كل يوم ولا قالت اه واحدة حتى تخرج بيه اناتها اللي مدفونة فيها
كنت بتفرج على التليفزيون على قناة من ذات القنوات
لقيت دكتور بيتكلم عن حاجة غريبة لكشف العذريات
الدكتور منزل كشاف و معاه كمان كتاب
كشاف بيكشف العذرية و يبين الكداب
قلت في عقل بالي يا واد مفيش كشاف زي ده يكشف عذرية البلد
دي مغتصبة من زمان ومحدش حاسس بيها و هي بتغتصب و بعد الاغتصاب تتجلد
بعيد عنكم البلد بتتعامل بسادية
ولا لاقي حل في ايدي ولا شايفه بعنيا
مش انا قايل ليكم ان عيني ما شفتش النجوم
يا ترى ده من التفكير في الحال ولا من كتر الهموم
المهم نرجع لحالة الاغتصاب و فقد العذرية اللي بلدي بتمر بيها
يمكن الفاظي خرجت عن المألوف المرة دي بس الحالة دي لازم اتكلم فيها
بعد المغتصبين لما خلصوا اغتصاب
قالو نعطي شوية منها للاحباب
ما اللي ياكل لوحده برده يزور
و هم عندهم ضمير برده و خايفين القر عليهم يكتر
قالو نقسم بقى و كل واحد ياخد دوره اصلنا شبعنا و هي لسه سليمة برده و مفيهاش اي جروح
الكل هجم و مالحقوش ينظمو الدخول عليها اصل كل واحد عاوز يلحقها و هي فيها الروح
بس السؤال هنا هو فيه بوليس ممكن يقبض على الجناة و يجيب الحق لاصحابه
اكيد سؤال صعب او مستحيل الاجابة عليه لان البوليس هنا مع المغتصبين و هم اصلا احبابه
و قالك ياعم دي بلد ممكن نسيبها و نعيش في بلد تاني
ما كل واحد فينا معاه جنسية من بلد تاني
طيب ما يلا يا جدعان سيبوها تلملم الباقي من شرفها و جسمها اللي اتقطع
قالو بس ازاي لازم نسيبها عضم متكسر و لحم متقطع
طيب سيبو شوية للي هايجي بعديكم
عشان يدعي ليكم و مايدعيش عليكم
قالو عارفين ان الكل بيدعي علينا
و بكرة تننسى و محدش يفكر فينا
الله يخرب بيوتكم هو انتم مش زينا بني ادمين
قالو لا احنا احسن منكم يا بني ادمين احنا شياطين
استونا علينا لما نبيعها بعد اما اكلناها و اغتصبنا فيها كل حاجة
و بكرة ماتلاقوش منها غير اسم و دي حكاية مش محتاجة شرح ولاحاجة
كل ده و انا عمال ادور على النجوم عشان يمكن اشوف احلامي
اتاريني صاحي و فاكر نفسي نايم و ده كابوس في منامي
بصو كده يلا معايا على النجوم و دوروا يلا بصو من الشباك او الباب
لو لقيتوها اعتبروها أمنية ان البلد ترجع بكرامتها و تتحرر من الاغتصاب
بصيت على السما لقيتها رايقة و صافية
بصيت على النجوم لقيتها مش موجودة
هو الواحد اتعما و لا بقت نظرته محدودة
زمان قالو ان النجوم دي بعيدة بس بتقدر تشوف فيها احلامك
قلت يا واد باين كده معتش عندك احلام و لا انت عايش في اوهامك
يا اما بقى و الله اعلم معدش عندي احلام
و شكلي كده هبطل اكتب و بطل اقول اي كلام
بس ازاي يا جدعان ده انا بحلم و الله بحاجات كتير
احلامي في منها لبلدي و لاصحابي وحبايبي و ليا كمان عشان اقول بضمير
احلامي على قدي يادوب عيشة ترضي رب العالمين
الاقي لقمة تقضيني و انام في بيتي زي باقي الملايين
مفيش مانع من شوية احلام بامتلاك بعض الحاجات
و ده مش عيب ولا فيه ممنوع ولا سرقات
احكي احسن عن حلمي لبلدي اللي هي مبقتش ليا و اللي فيها مش ليها
البلد بتنضرب كل يوم ولا قالت اه واحدة حتى تخرج بيه اناتها اللي مدفونة فيها
كنت بتفرج على التليفزيون على قناة من ذات القنوات
لقيت دكتور بيتكلم عن حاجة غريبة لكشف العذريات
الدكتور منزل كشاف و معاه كمان كتاب
كشاف بيكشف العذرية و يبين الكداب
قلت في عقل بالي يا واد مفيش كشاف زي ده يكشف عذرية البلد
دي مغتصبة من زمان ومحدش حاسس بيها و هي بتغتصب و بعد الاغتصاب تتجلد
بعيد عنكم البلد بتتعامل بسادية
ولا لاقي حل في ايدي ولا شايفه بعنيا
مش انا قايل ليكم ان عيني ما شفتش النجوم
يا ترى ده من التفكير في الحال ولا من كتر الهموم
المهم نرجع لحالة الاغتصاب و فقد العذرية اللي بلدي بتمر بيها
يمكن الفاظي خرجت عن المألوف المرة دي بس الحالة دي لازم اتكلم فيها
بعد المغتصبين لما خلصوا اغتصاب
قالو نعطي شوية منها للاحباب
ما اللي ياكل لوحده برده يزور
و هم عندهم ضمير برده و خايفين القر عليهم يكتر
قالو نقسم بقى و كل واحد ياخد دوره اصلنا شبعنا و هي لسه سليمة برده و مفيهاش اي جروح
الكل هجم و مالحقوش ينظمو الدخول عليها اصل كل واحد عاوز يلحقها و هي فيها الروح
بس السؤال هنا هو فيه بوليس ممكن يقبض على الجناة و يجيب الحق لاصحابه
اكيد سؤال صعب او مستحيل الاجابة عليه لان البوليس هنا مع المغتصبين و هم اصلا احبابه
و قالك ياعم دي بلد ممكن نسيبها و نعيش في بلد تاني
ما كل واحد فينا معاه جنسية من بلد تاني
طيب ما يلا يا جدعان سيبوها تلملم الباقي من شرفها و جسمها اللي اتقطع
قالو بس ازاي لازم نسيبها عضم متكسر و لحم متقطع
طيب سيبو شوية للي هايجي بعديكم
عشان يدعي ليكم و مايدعيش عليكم
قالو عارفين ان الكل بيدعي علينا
و بكرة تننسى و محدش يفكر فينا
الله يخرب بيوتكم هو انتم مش زينا بني ادمين
قالو لا احنا احسن منكم يا بني ادمين احنا شياطين
استونا علينا لما نبيعها بعد اما اكلناها و اغتصبنا فيها كل حاجة
و بكرة ماتلاقوش منها غير اسم و دي حكاية مش محتاجة شرح ولاحاجة
كل ده و انا عمال ادور على النجوم عشان يمكن اشوف احلامي
اتاريني صاحي و فاكر نفسي نايم و ده كابوس في منامي
بصو كده يلا معايا على النجوم و دوروا يلا بصو من الشباك او الباب
لو لقيتوها اعتبروها أمنية ان البلد ترجع بكرامتها و تتحرر من الاغتصاب
ليست هناك تعليقات:
إرسال تعليق